Сот отырысында ер адам әкімшілік құқық бұзушылық жасағаны үшін кінәсін мойындап, жасаған ісіне өкініш білдірді, деп хабарлайды  Рavlodarnews.kz.

Ақтоғай аудандық соты баспасөз қызметінің мәліметінше, ер адам сағат 12:00 шамасында Ақтоғай ауылында Абай - Дубовой көшелерінің қиылысында құрылғылар мен материалдарды қолдана отырып жабдықталған жалған мемлекеттік нөмір тағылған «ВАЗ 2106» маркалы көлік құралын басқарған.   

– Сот қаулысымен құқық бұзушы ҚР ӘҚБтК 590-бабының 4-бөлігінде көзделген әкімшілік құқық бұзушылық жасағаны үшін кінәлі деп танылды. Көлік құралдарын басқару құқығынан 1 жыл мерзімге айыра отырып, екі тәулік мерзімге әкімшілік қамауға алу түрінде әкімшілік жаза тағайындалды, – деді баспасөз қызметінде. 

Қаулы заңды күшіне енді.