Павлодарлық опера дивасы Қытайдың басты сахнасында өнер көрсетті, деп хабарлайды @Pavlodarnews.kz тілшісі.

Мария Мудряк австро-венгрия композиторы Франц Лехардың «Көңілді жесір» опереттасында өнер көрсетті. Ол алғаш рет 1905 жылы 30 желтоқсанда Вена театрында қойылды. Концерт Пекиндегі Ұлттық орындаушылық өнер орталығында өтті, ол бастапқыда Ұлттық Үлкен опера театры ретінде ойластырылған және халық арасында «Жұмыртқа» деп аталып кеткен. Павлодарлық әнші барон Зетаның әйелі Валенсьенна рөлін ойнады.

- Рақмет, Пекин. Қытайға келген әрбір сапарым – мен үшін эмоциялардың толқуы. Маэстро Лю Цзя, музыка үшін, шығармашылық пен қуанышқа бөлену мүмкіндігі үшін рақмет. Қонақжайлығыңыз, ұйымдастырушылығыңыз және барлық жағынан қолдауыңыз үшін театрға рақмет. Қандай жылы шырайлы, шынайы актерлік құрам, біз барлық уақытымызды бірге өткізген нағыз команда, тіпті сахна сыртында да бірге болдық, - деп жазды Мария Мудряк өзінің Instagram парақшасында.

Әнші атап өткендей, концерт үлкен табысқа жетті және Қытайдағы барлық кинотеатрларда, сондай-ақ басқа да Азия елдерінде көрсетілді.

Бұл павлодарлық опера дивасының Қытайдың басты сахнасындағы алғашқы өнер көрсетуі емес. 2025 жылдың тамыз айында Мария Мудряк Қытай бойынша гастрольдік сапарын аяқтады. Қойылымдар елдің негізгі опера театрларында: Пекиндегі Ұлттық өнер орталығында және Сианьдегі Үлкен опера театрында өтті.