Қала әкімдігі 2026 жылға арналған жұмыстар жоспарын қалыптастыруды бастады. Тұрғындар бұл жұмыстарға белсенді қатысуға шақырылады, деп хабарлайды @Pavlodarnews.kz.

Облыс орталығын абаттандыруға қатысты сұрақтар мен ұсыныстарды Хасар Хабылбековтың Instagram әлеужелісіндегі парақшасының хабарламаларына немесе @akimat.pavlodar парақшасына жолдауға болады.  

Өз ұсыныстарыңызды мына бағыттар бойынша жіберуге болады:

* балалар ойын алаңдарын орнату,

* спорт инфрақұрылымын дамыту,

* аула ішіндегі аумақтарды асфальттау,

* жаяу жүргіншілер жолдары мен оның аумақтарын абаттандыру.

– Өтініш жолдаған кезде нақты мекенжайды және кері байланыс үшін байланыс деректерін көрсетуіңізді сұраймыз. Абаттандыру жоспары тұрғындардың шынайы қажеттіліктері мен сұраныстарын қамтуы біз үшін маңызды! – деді қала әкімдігінде. 

Арнайы комиссия құрылып, орындарда тексеру жүргізеді. Қорытынды оң болған жағдайда, аула немесе нысан 2026 жылға арналған жұмыс жоспарына енгізіледі.