Азамат құжаттардың толық тізімін тапсырғанымен, оған қызмет көрсетуден бас тартылды, деп хабарлайды @Pavlodarnews.kz тілшісі.

Облыстық Мемлекеттік қызмет істері агенттігінің департаменті баспасөз қызметінің мәліметінше, жоспарлы тексеру барысында «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу» қызметін көрсетуден негізсіз бас тарту фактісі анықталды.

– Осылайша, қызметті көрсетуге қойылатын негізгі талаптар тізбесінің 8-тармағына сәйкес екінші кезең үшін құжаттардың белгілі бір жиынтығын, оның ішінде бекітілген жерге орналастыру жобасын және оны бекіту туралы бұйрықты ұсыну қажет. Алайда, тексеру барысында Д. азаматқа құжаттардың толық емес пакетіне байланысты бас тарту берілгені анықталды. Шын мәнінде, көрсетілетін қызметті алушы қажетті құжаттардың барлық тізбесін ұсынды, бұл көрсетілетін қызметті берушінің іс-әрекеттерінің белгіленген талаптарға сәйкестігін растайды, – деді ведомствода.

Тексеру нәтижесінде Д. азаматының құқықтары қалпына келтірілді, жер учаскесіне құқық беру туралы қаулысы берілді. Бұдан басқа, көрсетілетін қызметті алушының құқықтарының бұзылуына байланысты кінәлі тұлғалар тәртіптік жауапкершілікке тартылды.

Департамент мұндай жағдайлар азаматтардың мемлекеттік органдарға деген сеніміне кері әсерін тигізетінін атап өтті. Жер қатынастары саласында белгіленген нормаларды сақтау азаматтардың құқықтарын қорғауда және мемлекеттік қызметтердің сапасын арттыруда шешуші рөл атқарады.

Департамент жанында 20-85-06 сенім телефоны жұмыс істейді. Оған азаматтар мемлекеттік қызметтерді алу кезінде туындаған проблемалық мәселемен, сондай-ақ «Уәкілетті органға жүгіну» бөліміндегі «EgovKzBot2.0» бот-платформасы арқылы Telegram мобильді қосымшасында шағым беру арқылы жүгіне алады.