Тергеу жалғасып жатыр, деп хабарлайды  Рavlodarnews.kz.

Облыстық полиция департаменті баспасөз қызметінің мәліметінше, Шарбақты ауданының полиция бөліміне белгісіз біреулер Шарбақты ауылының жылыту қазандығынан темір қақпаны ұрлап кеткені туралы арыз түскен. 

– Аталған факті бойынша ҚР Қылмыстық кодексінің 188-бабына сәйкес сотқа дейінгі тергеу басталды. Арнайы іс-шаралар барысында тергеушілер күдіктілерді – екі жергілікті тұрғынды анықтап, ұстады. Олар бұрын мектепте от жағушы болып жұмыс істеген, жұмыстан шығарылғаннан кейін  бұл қақпаларды металл қабылдау пунктіне тапсыру үшін алған, – дейді Шарбақты ауданы полиция бөлімі бастығының орынбасары Арман Әленов.

Полиция қызметкерлерімен заттай айғақ тәркіленді, келтірілген шығын 150 мың теңгені құрады.