Ол қарт адамдарға қатыгездік танытқан, деп хабарлайды @Pavlodarnews.kz тілшісі.

Ақсуда «Қамқор» әлеуметтік қызмет көрсету орталығының тұрғындарына қатыгездік көрсеткен атышулы іс бойынша сот үкімі шықты.

Сот зорлық-зомбылық жағдайларын жазып алған бақылау камераларының бейнежазбаларын зерттей отырып, Павлодар облысы прокуратурасының сараптамасын жалғастырды.

– Қарттар үйінің қызметкері қарияларға жүйелі түрде физикалық күш қолданып, оларды жылы киімсіз далада қалдырып, үсіп қалу қаупін тудырды, – деп түсіндірді прокуратурада.

Жасалған әрекеттердің ауырлығын және олардың салдарын ескере отырып, сот айыпталушыны кінәлі деп танып, үш жылға бас бостандығынан айыру жазасын тағайындады.

Сот үкімі заңды күшіне енген жоқ.