Оның салдарынан заңды өкілдері айыппұл алып қалуы мүмкін, деп хабарлайды @Pavlodarnews.kz.

«Учаске» жедел-профилактикалық іс-шарасы аясында Оңтүстік полиция бөлімі қызметкерлері кәмелетке толмағандардың арасындағы құқықбұзушылықтарды анықтау мақсатында түнгі рейд жүргізді.

Мұндай іс-шаралар жасөспірімдер арасындағы құқықбұзушылықтардың алдын алуға емес, олардың жолын кесуге және қауіпсіздігін қамтамасыз етуге бағытталған. 

– Мәселен, Павлодарда түнгі уақытта кәмелетке толмағанның ересектердің қарауынсыз көшеде жүргені анықталды. Кәмелетке толмаған бала ата-анасымен бірге полиция бөліміне жеткізілді. Түнгі уақытта кәмелетке толмағандардың ойын-сауық орындарында немесе тұрғын үйден тыс жерде заңды өкілдерінің еріп жүруінсіз жүргені үшін ата-анасына ескерту жасалды. Сонымен қатар, тәртіп сақшылары балаға бақылауды күшейту қажеттілігі мен заң нормаларын түсіндірді, – деді Оңтүстік полиция бөлімінің ЖПҚ бастығы Берік Каткенов.

Полиция ата-аналарға балалардың түнгі уақытта қоғамдық орындарда болуына жауапты екенін еске салады және азаматтарды өз балаларының қауіпсіздігіне мұқият қарауға шақырады.