Зардап шеккендер жоқ, деп хабарлайды @Pavlodarnews.kz.

Облыстық ТЖД баспасөз қызметінің мәліметінше, 3 қыркүйекте сағат 11:05-те №10 балабақшадан түтін шыққаны туралы хабарлама келіп түсті.

– Өрт сөндірушілер келгеннен кейін екінші қабаттағы ойын бөлмесінде 0,5 шаршы метр алаңдағы флуоресцентті шамның қысқа тұйықталуы орын алды. Балабақша жұмыскерлері өрт сөндіру қызметкерлері келгенге дейін өрттің алдын алды, – деді облыстық баспасөз қызметінде.

Балалар мен тәрбиешілерді апаттар медицинасы орталығы қызметкерлері тексерді. Медициналық көмекке ешкім мұқтаж болған жоқ. 

Оқиға орнына өрт сөндіру қызметінің 27 қызметкері және алты техника жұмылдырылды.