Пробация қызметінің есебіндегі азаматтарды қоғамға бейімдеу мақсатында 2026 жылы арнайы біржолғы әлеуметтік төлемдер беріле бастады, деп хабарлайды @Pavlodarnews.kz тілшісі.

Қазіргі уақытта пробация қызметі заңнамада белгіленген тәртіппен қажетті құжаттарды ресімдеу және төлемді алу үшін есептегі тұлғаларды бағыттау бойынша жұмыстарды ұйымдастырды.

– Бұл әлеуметтік қолдау шарасы пробациялық бақылаудағы тұлғаларға көмек көрсетуге, олардың әлеуметтік бейімделуіне және ресоциализациялануына, сондай-ақ қайталама құқық бұзушылықтардың алдын алуға бағытталған. Материалдық көмектің дер кезінде берілуі сотталғандарға бірінші кезектегі тұрмыстық мәселелерін шешуге мүмкіндік береді, олардың жұмысқа орналасуына және қоғамға табысты интеграциялануына ықпал етеді, – деді облыстық қылмыстық-атқару жүйесі департаментінің баспасөз қызметі.

Ведомствода атап өткендей, бұл бағыттағы жұмыс мемлекеттік органдармен және халықты әлеуметтік қорғау ұйымдарымен өзара іс-қимыл негізінде жүйелі түрде жүргізілуде.