Оның мекемесі аудан орталығы тұрғындарының сүйікті демалыс орнына айналып үлгерді, деп хабарлайды @Pavlodarnews.kz тілшісі.

Успен ауылында жаңа нысан – ұйғыр тағамдары мен ашық верандасы бар кафе ашылды. Оның іске қосылуы ауылдық жерлердегі кәсіпкерлікті дамытуға бағытталған «Ауыл аманаты» жеңілдетілген қаржыландыру бағдарламасының арқасында мүмкін болды.

2023 жылы Президент Қасым-Жомарт Тоқаевтың тапсырмасымен басталған «Ауыл аманаты» бағдарламасы тәжірибелі және жаңа бастаған кәсіпкерлерге бизнес ашу мен дамытуға кең мүмкіндік береді. Осы мүмкіндікті пайдаланғандардың бірі – Успен ауылының тұрғыны Абиджан Исламбакиев. Ол қаржыландыру алып, ғимарат сатып алып, жөндеп, заманауи техникамен: ас үй жабдықтары және ыдыс-аяқпен қамтамасыз етті.

«Уйгурка» атауын алған жаңа кафе 40 адамға арналған және онда төрт жаңа жұмыс орны ашылды.