Кездесуде 2025 жылға арналған жоспарлар ұсынылып, тұрғындар өздерінің өміріне қатысты маңызды мәселелерді белсенді түрде талқылады, деп хабарлайды @Pavlodarnews.kz тілшісі.

Аудан басшысы Қаршыға Арынов бүгін Басқамыс, Шұға, Шілікті және Барлыбай ауылдарының тұрғындарымен кездесті. Бұл туралы ол өзінің Instagram парақшасында мәлімдеді.

– Кездесуде талқыланған басты тақырыптардың бірі – жолдарды қыс мезгілінде күтіп ұстау болды, әсіресе аудандық маңызы бар жолдар: Ақкөл-Басқамыс және Шұға-Жолболды жолдарының жағдайы. Тұрғындар осы жолдарда жиі болатын қарлы борандардан қозғалыстың қиындайтыны туралы алаңдаушылықтарын білдірді. Сондай-ақ, Басқамыс-Шұға-Жолболды автожолын орташа жөндеу мәселесі көтерілді, – деп жазды ол әлеуметтік желіде.

Ал Шілікті ауылының тұрғындары көктемде қар еріген кезде су басуды алдын алу мақсатында шұңқыр қазу мәселесін көтерді. Сонымен қатар, олар өз ауылдарына көрсетілген көмек үшін облыс басшылығына алғыс білдірді. Атап айтқанда, ауылдың кірме жолына қиыршық тас төсеу, спортзал мен медициналық пункт салу сияқты маңызды жақсартулар ауылдағы өмір сүру жағдайларын айтарлықтай жақсартқаны атап өтілді.

Сонымен қатар, кездесуде өзекті мәселелердің бірі – Басқамыс, Шұға, Шілікті және Барлыбай ауылдарында тұрақты мобильді байланыспен қамтамасыз ету болды. Бұл әлі шешімін таппаған маңызды мәселе ретінде талқыланды.

Аудан басшысының айтуынша, барлық көтерілген мәселелер бақылауға алынды. Кездесу соңында жеке мәселелер бойынша қабылдаулар ұйымдастырылып, әр тұрғын өз сұрақтары мен ұсыныстарын жеткізуге мүмкіндік алды.

Посмотреть эту публикацию в Instagram

Публикация от Қаршыға Арынов (@arynov_qarshyga)