Ауыл тұрғынына қатысты қорғау ұйғарымы шығарылған еді, деп хабарлайды @Pavlodarnews.kz. 

Облыстық полиция департаментінің мәліметінше, Успен ауданының тұрғыны бұрынғы жұбайына құқыққа қарсы іс-әрекеттер жасаған. Полицейлер  19 шілдеде  ер адамға 10 тәулік мерзімге қорғау ұйғарымын шығарды.

– Алайда, 24 шілдеде  ауыл тұрғыны қорғаныс ережесін бұзып,  бұрынғы жұбайына қайта келіп, жанжал шығарды. Осы бұзушылық үшін ер адам ҚР ӘҚБтК-нің 461-бабы 1-бөлігі бойынша жауапқа тартылды. Сот шешімімен ол он тәулікке қамауға алынды,  – деді Успен ауданы полиция бөлімінің бастығы Асқар Аралбаев.

Тәртіп сақшылар 1 шілдеден бастап полиция өтініш берушіден тұрмыстық құқық бұзушылықтарды тіркеудің анықтау сипатына ауысатынын еске салады. Жаңа түзетулер жәбірленушілердің өтінішінсіз тұрмыстық зорлық-зомбылық жасау фактілері бойынша ҚР ӘҚБтК-нің 73, 73-1, 73-2-баптары бойынша әкімшілік іс жүргізуді қозғауға мүмкіндік береді.

Константин Шелковтың иллюстрациялық фотосуреті.