Халықтық штаб мүшелері әрбір азаматтың шешім қабылдау маңызды екенін атап өтті, деп хабарлайды @Pavlodarnews.kz.

Бүгін құрамына ҚР Парламенті Мәжілісінің депутаттары Нұржан Әшімбетов пен Ислам Сұңқар, сондай-ақ штабтың мүшелері Света Абдраманова мен Темірболат Қасен кіретін Халық штабының жұмыс тобы Аққулы ауданына барды. Сапар аясында Шақа және Шоқтал ауылдарының тұрғындарымен кездесулер, сондай-ақ Шақа ауылында «Есіктен есікке» акциясы өткізілді.

Талқылаудың негізгі тақырыбы Қазақстанда атом электр станциясын салу бойынша алдағы референдум болды. Жұмыс тобының мүшелері тұрғындарға осы жобамен байланысты мүмкіндіктер туралы егжей-тегжейлі айтып, әрбір азаматтың шешім қабылдауға қатысуының маңыздылығын атап өтті.

Нұржан Әшімбетов тұрғындар алдында сөз сөйлеп, атом электр станциясының құрылысы ел болашағы үшін стратегиялық мәселе екенін алға тартты. Ол энергия тұтынудың өсуі және энергияның неғұрлым экологиялық көздеріне көшу қажеттілігі жағдайында атом энергетикасы Қазақстанның энергетикалық қауіпсіздігінің маңызды құрамдас бөлігі бола алатынын жеткізді.

Ислам Сұңқар Қазақстан әлемдік тәжірибені ескеріп, АЭС қауіпсіздігін қамтамасыз ету үшін ең озық технологияларды ғана пайдалануы тиіс екендігіне назар аударды. Ол сондай-ақ құрылыс туралы шешім референдумда азаматтардың пікірлерін мұқият қарастырғаннан кейін ғана қабылданатынын айтты.

Света Абдраманова мен Темірболат Қасен «Есіктен есікке» акциясы кезінде Шақа ауылының тұрғындарымен жеке сөйлесіп, алдағы дауыс берудің негізгі тұстарын түсіндірді. Акция барысында тұрғындар еліміздің энергетикалық секторының болашағы туралы белсенді сұрақтар қойып, жобаның экологиялық қауіпсіздігіне және ықтимал экономикалық пайдаға қызығушылық танытты.

Сапар қорытындысы бойынша жұмыс тобы тұрғындар айтқан пікірлер мен ұсыныстар референдумға дайындық барысында одан әрі есепке алу үшін республикалық деңгейге берілетінін атап өтті. Әрбір дауыс тыңдалатыны және референдумға қатысу – әрбір қазақстандық үшін ел болашағына өз үлесін қосуға мүмкіндік беретіні маңызды.