Бір бастама әлеуметтік желілердің, мессенджерлердің және өндірістік сервистердің функцияларын біріктірді, деп хабарлайды  @Pavlodarnews.kz тілшісі.

ERG құрамына кіретін «Business & Technology Services»  IT-тобы Qollab корпоративтік қосымшасын әзірледі. PR ұйымының басшысы Сауя Сейпенованың айтуынша, Ақсу ферроқорытпа зауытында жоба ішкі коммуникацияның, құжат айналымының және өндірістік өзара іс-қимылдың ажырамас бөлігіне айналды.

– Маркетплейстің аналогы болып табылатын чаттар бар, бірақ тек өндірістік қажеттіліктер үшін, – деп түсіндірді сұхбаттасушы. – Қосымшада екі жүз сервис бар. Жаңа функциялардың қатарына жұмыс киімін басқару кіреді. Қызметкерлер қажетті формаға тапсырыс бере алады, оның қоймада бар-жоғын тексере алады, алу уақытын брондай алады. Қазіргі жабдықтың жарамдылық мерзімін біле алады. Жөндеушілер қажетті материалдарға, құралдарға тез тапсырыс бере алады. Жеткізу мерзімі – жеті күнге дейін.

Qollab арқылы құжаттарға қашықтан қол қоюға, демалыс кестесімен танысуға, компания жаңалықтарын бақылауға, хабарлама алуға, қызметтік көлік кестесін тексеруге, дәрігерлерге жазылуға, жаңа жұмыс орнына бейімделуге, оқудан өтуге болады.

Өткен жылдан бастап платформа компанияның қонақтары мен серіктестері үшін қол жетімді. Қосымшаны жүктеу арқылы олар Qollab қызметтеріне шектеулі қол жеткізе алады. Бүгінгі таңда қызмет атқарып жүрген жұмыскерлер платформаға еш қиындықсыз кіріп, оны пайдалануға құқылы. Оның жеке нөмірі жүйеге автоматты түрде біріктіріледі.

Сауя Сейпенованың айтуынша, жұмысшының аты - жөнін біле отырып, Қазақстанның кез келген облысындағы қызметкерді табуға болады. База корпорацияның 60 000 қызметкерін біріктіреді. Бірақ жеке деректер қорғалған – Ақсу ферроқорытпа зауыты ақпаратты шифрлаудың жоғары деңгейін қамтамасыз етеді.

– Жұмысқа кіріспес бұрын қызметкер қауіпсіздік техникасының талаптары мен ережелерімен танысу бөлігінде корпоративтік университетте курстардан өтуі керек, – деп түсіндірді сұхбаттасушы. 

Қосымша қазірдің өзінде жақсы нәтиже көрсетуде және Қазақстанда корпоративтік сервистер арасында бірнеше рет жоғары орынға ие болды. Ол жетілдіру жұмыстарын жалғастырады, жаңа мүмкіндіктермен толықтырылады және қызметкерлердің сұраныстарына бейімделеді.

Ақсу ферроқорытпа зауытындағы цифрлық трансформация ұжым өмірінің өндірістік, іскерлік және әлеуметтік аспектілерін қамти отырып, толыққанды IT-жүйені қалай енгізуге болатынын көрсетеді.