Тұрғындар жария тыңдауға онлайн және оффлайн түрде қатыса алады, деп хабарлайды @Pavlodarnews.kz тілшісі.

ҚР Ұлттық экономика министрлігінің Табиғи монополияларды реттеу комитетінің өңір бойынша департаментінің мәліметінше, кездесуде «Теплосервис-Ақсу» коммуналдық мемлекеттік кәсіпорнының жылу энергиясына арналған тариф жобасы талқыға салынады.

Жария тыңдауға 22 қыркүйек күні сағат 15:00-де  Вокзальная көшесі, 5 мекенжайы бойынша немесе Zoom платформасы арқылы онлайн қатысуға болады. 

Жария тыңдауға Парламент, мәслихат депутаттары, мемлекеттік және қоғамдық ұйымдардың, БАҚ өкілдері, сондай-ақ тұтынушылар мен тәуелсіз сарапшылар шақырылады.