Енді шаруа қожалығы суармалы егін шаруашылығын қолға алады, деп хабарлайды @Pavlodarnews.kz.

Ұзынбұлақ ауылдық округіне қарасты Ұзынбұлақ ауылындағы «Отан» шаруа қожалығы 2024 жылы өз қаражаты есебінен жылжымалы айналмалы жаңбырлатып суару жүйесін іске қосты.

«Отан» ШҚ енді тек ауыл шаруашылығы саласымен ғана емес, суармалы егін шаруашылығымен де айналыспақ.

– Бұл қадам шаруашылықтың өнімділігін арттыруға, егістік алқаптарының тиімділігін жоғарылатуға және ауыл шаруашылығын заманауи технологиялар негізінде дамытуға ықпал етпек, – деді Баянауыл ауданы әкімдігінің мәліметінше.

Аталған суару жүйесі егістік алқаптарын суаруға арналған заманауи техника болып табылады. Ол доға түрінде айналып қозғалып, суды біркелкі таратуға мүмкіндік береді. Жылжымалы болғандықтан, оны әртүрлі жер телімдерінде орнатып, тиімді пайдалануға болады. «Отан» шаруа қожалығы жаңа жүйені бидай мен көпжылдық малазықтық дақылдарды суару үшін қолдануды жоспарлап отыр.