Зардап шеккендер жоқ, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, 24 желтоқсан күні сағат 18:15-те бірқабатты техникалық қызмет көрсету станциясы жанып жатқандығы туралы хабарлама келіп түсті.

– Шақыруға келген өрт сөндірушілер жалпы ауданы 60 шаршы метрді құраған ТҚҚС мен төрт автокөліктің жанып жатқандығын анықтады. Екі көлік толық өртеніп, тағы екеуі жылудың әсерінен зақымданды. Өрт сөндірушілердің жедел және үйлесімді әрекеттерінің арқасында өрт жедел түрде жойылды. Зардап шеккендер жоқ, өрттің себебі мен келтірілген залалы анықталуда, – деді ведомствода.

Өртті сөндіруге ТЖД-ның 11 қызметкері мен 4 техникасы жұмылдырылды.