Instagram желісінде аталған автожолда жол апатына ұшыраған Toyota Estima көлігінің суреті жарияланды, деп хабарлайды @Pavlodarnews.kz.

Облыстық жедел жәрдем станциясының мәлімдеуінше, жол-көлік оқиғасы 18 наурыз күні Қалқаман кентіне жақын маңда орын алған. Шақыру сағат 00:32-де түсіп, жедел жәрдем 10 минутта жеткен. 

- Бізге берілген ақпарат бойынша автокөлік жол үстінде болған әйел адамды соғып, одан кейін жол жиегіндегі қоршауға соғылған. Оқиға орнында қызметкерлер 35 жастағы әйелдің көз жұмғанын анықтады, - деді жедел жәрдемде.

Сондай-ақ оқиға салдарынан 23 және 54 жастағы әйел адам мен 27 және 33 жастағы ер адамдар түрлі жарақаттармен Павлодар қалалық №1 ауруханасына жеткізілді. 

Фото: @kolesa_pavlodara