Іс-шараны қала әкімінің ерекше қажеттіліктері бар адамдардың проблемалары жөніндегі кеңесшісі Марина Ибраева ұйымдастырады, деп хабарлайды @Pavlodarnews.kz. 

Қыркүйек айында қала тарихындағы алғашқы сұлулық байқауы өтеді, оған арбамен қозғалатын әйелдер қатысады. Байқау «AMANAT» партиясы қалалық филиалының, қалалық мәслихат депутаттары мен меценаттардың қолдауымен өткізіледі. 

– Байқаудың басты мақсаты – мүгедектігі бар әйелдер арасында таланттарды, шығармашылық қабілеттерді анықтау және ашу, – дейді Екібастұз қалалық филиалының басшысы Мариям Маликова. – Мүгедектігі бар жастар мен егде жастағы әйелдер арасында белсенді өмірлік ұстанымын, рухани және физикалық кемелдікке, салауатты өмір салтына, тұлғаның үйлесімді дамуына, әйел сұлулығының бейнесін тұтас қабылдауға ұмтылысын қалыптастыру қажет. Ережеге сәйкес конкурсқа қатысу үшін сауалнаманы толтыру қажет. 

Ұйымдастыру комитеті 18-60 жас аралығындағы мүгедектігі бар он шақты әйелді таңдайды, олар өздерінің шығармашылық қабілеттерін жүзеге асыра алады және жан-жақты қабілеттерін ашады. 

Қатысушыларды үш негізгі кезең күтеді. Бас жүлдеден басқа, «Жүректі жаулап алған ару», «Талғампаз ару»,  «Қошеметке лайық ару», «Сымбатты ару», «Ерекше ару» аталымдары бойынша марапатталады.