Баланың көмекке мұқтаж екенін көрген адамдар құтқарушыларды шақырған, деп хабарлайды @Pavlodarnews.kz.

ҚР Төтенше жағдайлар министрлігінің мәліметінше, Екібастұз қаласында баланың қолы су тазалайтын аппаратта қыстырылып қалды. 

– Қолын өз бетінше шығара алмай жатқан баланы көрген адамдар көмек сұрап, 112-ге хабарласты, – делінген хабарламада. 

Оқиға орнына келген құтқарушылар болгарканы пайдаланып, аппараттың есігін кесіп, баланың қысылған қолын шығарды.

Құтқарушылардың кәсібилігінің арқасында балаға дер кезінде көмек көрсетілді.