Құтқарушылар мен еріктілер іздеуді су бетінде эхолот құрылғысының көмегімен және жағалау бойымен жүргізіп жатыр, деп хабарлайды @Pavlodarnews.kz.

Кеше, 22 қазанда, Павлодардан қосымша іздестіру тобы Екібастұзға келіп, Вячеслав Лукьянцевті іздеу жұмыстарына қосылды.

Күн сайын волонтёрлер, құтқарушылар және туыстары үмітін үзбей, аумақты мұқият қарап өтуде.

Еске сала кетейік, ағайынды Вячеслав (03.09.1970 ж.т.) және Николай (10.09. 1973 ж.т.) Лукьянцевтер 10 қазан күні Солнечный ауылынан LADA Niva көлігімен аңға шыққан. Олар өздерімен бірге резеңке қайықты алған. 14 қазаннан бастап ер адамдармен байланыс үзілген – телефондары өшірулі. 

18 қазан күні ағайындылардың көлігі мен қайығы табылып, көлдердің бірінен Николай Лукьянцевтің денесі анықталды.

Қазіргі уақытта Вячеслав Лукьянцевті іздеу жұмыстары жалғасып жатыр.  

– Адамдар шаршағанына, суыққа және уақыттың өтуіне қарамастан, ізденісті тоқтатпайды, себебі әрбір кішкентай белгі, әрбір із маңызды, –  деді «VITA» еріктілер тобында. 

Егер сізде іздестіру жұмыстарына көмектесе алатын қандай да бір ақпарат болса, 8 747 615 5563, 8 778 295 9755 телефон нөмірлеріне хабарласуға болады.