Олар уақытша ұстау изоляторына қамалды, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, жәбірленушінің өліміне әкеп соққан денсаулыққа қасақана ауыр зиян келтіру фактісі бойынша қылмыстық іс қозғалды.

Екі күдікті  ізін суытпай ұсталып, уақытша ұстау изоляторына қамалды.

Қазіргі уақытта қылмыстың барлық жағдайлары мен себептерін объективті тергеуге бағытталған барлық қажетті тергеу әрекеттері жүргізілуде.

Жедел жәрдем станциясында шақырту Астана көшесіндегі моншадан түскенін хабарлады. Дәрігерлер оқиға орнына жеткенде 52 жастағы ер адамның көз жұмғанын анықтады.

Айта кетейік, әлеуметтік желіде бірнеше адам моншаға келушілерді ұрып жатқаны түсірілген видео тараған.