Мұнда Малайсары батыр көшесінен Щедрин көшесіне дейінгі жол учаскесінде қозғалысқа шектеу қойылмақ, деп хабарлайды @Pavlodarnews.kz.

Қалалық ТҮКШ ЖК және АЖ бөлімінің мәлімдеуінше, Ломов көшесінен қалалық үйінді бұрылысына дейінгі Жібек жолы көшесіне орташа жөндеу жұмыстары жүргізілуде. 

- Осыған байланысты ертең, яғни 25 тамыз күні Малайсары батыр көшесінен Щедрин көшесіне дейінгі жол учаскесі жабылады. Осы ретте Успен көпірі арқылы айналма жол ұйымдастырылады, - делінген хабарламада.

Жауапты мамандар қала тұрғындарына келтірілген қолайсыздықтар үшін кешірім сұрай отырып, жүру бағытын алдын ала жоспарлауды сұрайды.