Әсіресе, жазатайым оқиғалардың алдын алу үшін мұз өткелдерінде арнайы талаптар қойылып, қозғалыс ережелері мен қауіпсіздік шаралары күшейтілді, деп хабарлайды @Pavlodarnews.kz тілшісі.

Облыстық Төтенше жағдайлар департаменті баспасөз қызметінің мәліметінше, аталмыш мұз өткелдері Май, Аққулы және Тереңкөл аудандарында орналасқан. Мұз өткелдері қажетті талаптарға сай, абаттандырылған және қауіпсіздік шаралары сақталған. Қозғалысқа арналған жолдарда ақпараттық стендтер орнатылып, құтқару жабдықтары қойылды.

– Мұз өткелдерінде бірнеше ережелер бар, оларды бұзу қауіпсіздікке қатер төндіреді. Рұқсат етілмеген жерлерде балық аулау, шұңқырлар жасау және мұзға шығу тыйым салынған. Сонымен қатар, қараңғыда мұзға шығуға болмайды, – деді ведомствода.

Өткен уақытта Павлодар қаласында мұз астына түсіп кеткен тұрғындардың үш оқиғасы тіркелген. Бұл оқиғалардың біріне кәмелетке толмаған бала да қатысқан.

Төтенше жағдайлар департаменті тұрғындарды мұз үстінде сақтық шараларын ұстануға және қауіпсіздік ережелерін бұзбауға шақыруда.