Таңдалған жобаның аясында әйелдерге арнайы тренингтер өткізу жоспарлануда, деп хабарлайды @Pavlodarnews.kz тілшісі.

Облыстық ақпарат және қоғамдық даму басқармасының мәлімдеуінше, 21 ақпан күні облыс әкімдігінде облыс әкімінің орынбасары Айзада Құрманованың төрағалығымен құзыретті қазылар алқасының қатысуымен «АруАна» республикалық конкурсына қатысу үшін өңірлік әйелдер жобаларын іріктеу жөніндегі комиссияның отырысы өтті.

Бағыттар бойынша 7 жоба ұсынылды:

• агробизнес саласындағы үздік жоба;
• үздік IT жобасы;
• шығармашылық индустрия саласындағы үздік жоба;
• жаңа медиа саласындағы үздік жоба (БАҚ, әлеуметтік желілер);
• әйелдер мен балалардың құқықтарын қорғау саласындағы үздік жоба;
• инклюзивті даму саласындағы үздік жоба;
• ғылым және инновация саласындағы үздік жоба;
• әйелдер мен балалардың құқықтарын қорғау саласындағы белсенді құқық қорғаушы;
• үздік әйел-кәсіпорын басшысы;
• әйелдер құқығын қорғау саласындағы үздік ҮЕҰ және басқалар.

Комиссияның қорытындысы бойынша «Инклюзивті даму саласындағы үздік жоба» бағытында «Asyl jurek – aq niet» қоғамдық қорының жетекшісі – Күміс Сипанова – «Инклюзиясы бар қыздарға арналған SOS» бағыты бойынша жобасы іріктеп алынды.

– Қазіргі уақытта мүгедектерге қатысты зорлық-зомбылық жағдайлары жиілеп кетті және жоба көру қабілеті нашар және соқыр қыздарға, сондай-ақ инклюзивті қыздарға өздерінің құқықтары туралы, көмекке қалай қоңырау шалу керектігін және қол қимылы арқылы көмек сұрау тетігін білу үшін тренингтер өткізу арқылы оның алдын алуға бағытталған. Тренингтерге әйелдердің құқықтарымен танысу, халықаралық көмек көрсету қимылдары, өзін-өзі қорғау әрекеттері, күтпеген жағдайлардағы мінез-құлық стильдері кіреді, – дейді жоба қатысушысы.

Таңдалған жоба конкурстың республикалық кезеңіне ұсынылды.

Естеріңізге сала кетейік, конкурс ҚР президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен өткізіледі және 8 наурыз Халықаралық әйелдер күніне орайластырылған.