«Ертіс» ФК президенті тағайындалды, деп хабарлайды @Pavlodarnews.kz тілшісі.

Бұл лауазымға аты аңызға айналған шабуылшы Мұрат Тілешев тағайындалды. Жамбыл футбол мектебінің түлегі көпшілікке Қарағандының «Шахтер» командасында танымал болды. 2003 жылы шабуылшы павлодарлық «Ертіс» сапына қосылып, осы командада ұлттық чемпионат алтын және күміс медальдарын жеңіп алды.

Мұрат Тілешев сонымен қатар «Ақтөбе», «Астана», «Ордабасы», «Жетісу» және басқа да клубтарда ойнады, бірақ әрқашан «Ертіске» оралып отырды. Жалпы алғанда, жамбылдық футболшы павлодарлықтар үшін 143 ойын өткізіп, 66 гол соқты. Өзінің қайсар мінезі мен мығым дене әлеуеті үшін қазақстандық футбол жанкүйерлері оны «K-700» деген лақап ат тақты. Ең бастысы, Мұрат Тілешев ұрымтал сәттерді дер кезінде сезіп, гол соғуға деген ерекше қабілеті болды.

Шабуылшы Нұрбол Жұмасқалиев пен Олег Литвиненкодан кейін Қазақстан футболының барлық уақыттағы ең үздік бомбардирлерінің арасында үшінші орында тұр. Мұрат Тілешев үш рет Қазақстан чемпионатының ең үздік сұрмергені атанды.

Ойыншы ретіндегі мансабын аяқтағаннан кейін Мұрат Тілешев басшылықы қызметке ауысты. Оның соңғы жұмыс орны Көкшетаудың «Оқжетпесінде» болды. Оның басшылығымен «көкшеліктер» жасөспірімдер футболын, клубтың инфрақұрылымын және имиджін дамытуға баса назар аудара бастады.

«Клуб оның жинақтаған тәжірибесі «Ертістің» дамуына және команда әлеуетін арттыруға маңызды үлес қосады деп сенеді», - деп жазды павлодарлық клубта.

Команданың қазіргі басты мақсаты – Премьер-лигадағы жағдайын жақсарту. Қазақстан чемпионатының тоғызыншы турында «Ертіс» «Тобылға» қарсы ойнайды. Матч 9 мамырда Қостанайда өтеді деп жоспарланған. Кездесу сағат 20.00-де басталады. Көрсетілімді YouTube желісіндегі KFF League арнасынан көруге болады.