Тәртіп сақшылары жолдағы қауіпсіздік жол қозғалысының әрбір қатысушысына байланысты екенін еске салады, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, Н.Назарбаев даңғылы бойында «Lada Vesta» маркалы автомашинаның жүргізушісі «Volksvagen» маркалы автомашинаны троспен сүйретіп бара жатқан кезде алдын ала жалаушалармен немесе қалқандармен жабдықтамаған. 

– Салдарынан 62 жастағы жаяу жүргінші жолдың жүріс бөлігінен өту кезінде  тросты көрмеген және сүрініп құлаған. Қолы жарақаттанған  әйел адам ауруханаға жүгінді, –  деді департаментте. 

Полиция қауіпсіздік үшін көлік жолда бұзылып қалған кезде  ҚP  Жол жүру ережелерінің 7-тармағының 1-тармақшасына сәйкес апаттық жарық дабылын қосу қажет екенін еске салады. Сонымен қатар, көлік құралдарын сүйрету кезінде де апаттық жарық дабылын қосу қажет.