Олар өздеріне тиесілі төлемдерді алмай, тиісті процедурадан өтпеген, деп хабарлайды @Pavlodarnews.kz. 

Павлодар прокуратурасы медициналық ұйымдарда онкологиялық науқастарды мүгедектік пен әлеуметтік төлемдер алу үшін міндетті рәсім болып табылатын медициналық-әлеуметтік сараптамаға жіберілмегенін анықтады.

– Жекелеген медицина қызметкерлерінің әрекетсіздігі салдарынан ауыр халдегі пациенттер іс жүзінде заңмен көзделген әлеуметтік қолдау шараларынан айырылған, – деді облыстық прокуратурасының баспасөз қызметінде.

Прокурорлық қадағалау актісі бойынша 95 пациент медициналық-әлеуметтік сараптамаға жіберілді, олардың 38-і мүгедектік дәрежесін алды, 57-сі сараптамадан өтуде.

Прокуратура ұсынуын қарау нәтижелері бойынша жауапты тұлғалар тәртіптік жауапкершілікке тартылды.