Іс-шара өрт қауіпсіздігі айлығы аясында өтті, деп хабарлайды @Pavlodarnews.kz тілшісі.

Облыстық Төтенше жағдайлар департаменті баспасөз қызметінің мәліметінше, «Біз өрт сөндірушілерміз» атты жарыстың негізгі мақсаты – балалардың отпен ойнау себебінен өрттің пайда болуына жол бермеу, қауіпті жағдайларда дұрыс мінез-құлық дағдыларын қалыптастыру болып табылды.

– Мектепке дейінгі мекемедегі өрт қауіпсіздігіне байланысты сабақтар қауіпсіз мінез-құлық негіздерінің маңызды құрамдас бөлігі болып табылады. Осындай жас кезінде балалар алған білімдерін ойын түрінде, кез-келген тапсырманы орындау кезінде жақсы меңгереді. Ведомство қызметкерлері әңгімелесу барысында балалармен негізгі ережелерді қайталап, сіріңкемен ойнау қандай жағдайға әкелетінін түсіндірді, содан кейін тікелей жарысқа кірісті, – делінген хабарламада.

Әр кезеңде балалар өздерінің білімдерін, ептілігін, жылдамдығын, ең бастысы тапсырмалардың дұрыстығын көрсетті.

Іс-шара соңында барлық балаларға өртке қарсы тақырыптағы бояулар табысталды.