Жедел жәрдем қызметкерлері өткен тәулікте бес өтінімді орындады, деп хабарлайды @Pavlodarnews.kz тілшісі.

Облыстық жедел жәрдем станциясының мәліметінше, станция құрамына кіретін медициналық авиация әлі де жерүсті көлігімен шақыртуларды пысықтауға мәжбүр.

25 желтоқсанда бірден екі медавиация бригадасы Ақтоғай ауданына барды. Біріншісі мерзімінен бұрын босанған 35 жастағы әйелге кеңес өткізді. Оған босануды қиындататын маңызды гипертензия диагнозы қойылды. Екінші бригада  неонатологиялық  емделу және бақылау үшін науқастың жаңа туған қызын ауданнан облыстық перинаталдық орталыққа жатқызды.

– Ауа райы жағдайлары пациенттерді аудандар мен қалалардан Павлодарға тасымалдау үшін әуе көлігін пайдалануға мүмкіндік бермейді, – дейді медициналық авиация меңгерушісі Алмагүл Бесембинова. – Күн сайын аймақ бойынша тұман, көктайғақ немесе нашар көріну тіркеледі, сондықтан қажет болған жағдайда  пациенттерді реанимобильдермен тасымалдаймыз.

Аққулыда жедел жәрдем желісі бойынша аудандық ауруханаға жеткізілген 61 жастағы ер адамға медавиация қызметкерлерінің көмегі қажет болды. Асқазан-ішек жолында қан кетумен ауыратын науқастың үшінші дәрежелі геморрагиялық шок алғаны жағдайды қиындатты. Пациент реаниматолог және хирургпен бірге   № 1 Павлодар қалалық ауруханасына жеткізілді.    

Медициналық авиация өкілдері Ертіс ауданынан 36 жастағы ер адамды инфаркттан кейін аудандық ауруханаға жеткізді. Науқасты облыстық кардиоорталыққа жеткізу туралы шешім қабылданды, себебі, бейінді мамандардың көмегі қажет. 

Сонымен қатар, Екібастұздан   екі жақты пневмониямен ауыратын 11 айлық қызға реаниматологиялық бригаданың көмегі қажет болды.