Кедейлік шегінің мөлшері үшінші тоқсанда – 39 096 теңгені құрайды, деп хабарлайды @Pavlodarnews.kz.

Облыстық жұмыспен қамтуды үйлестіру және әлеуметтік бағдарламалар басқармасының мәліметінше, 1 шілдеден бастап АӘК 3 тоқсанға тағайындауға құжаттарды қабылдау жүзеге асырылады. 

АӘК алуға үміткер адамдар тұрғылықты жері бойынша мансап орталықтарға немесе кент, ауыл, ауылдық округ әкіміне жүгіне алады. Сондай-ақ баламалы негізде ЭЦҚ болған кезде үйден шықпай-ақ «Электрондық үкімет порталы» арқылы өтінім беруге мүмкіндік бар.

– Интернетке қолжетімділігі жоқ адамдар үшін жұмыспен қамту және әлеуметтік бағдарламалар бөлімдерінің, мансап орталықтардың, облыстың қалалары мен аудандарының ауылдық округтерінің әкімдіктерінің жанынан өзіне-өзі қызмет көрсету бұрыштары ұйымдастырылды, – деді басқармада.

Өтініш берген кезде сәйкестендіру үшін тек жеке куәлікті ұсыну қажет.