Аталмыш факті бойынша қылмыстық іс қозғалды, деп хабарлайды @Pavloarnews.kz.

Облыстық жедел жәрдем станциясы баспасөз қызметінің мәліметінше, 4 қыркүйекте сағат 19:30 шамасында Атамекен кенті жанында жаяу жүргіншіні қағып кеткені туралы хабарлама түскен. Медициналық бригада келген бойда дәрігерлер 50-60 жастағы ер адамның қайтыс болғанын тіркеді. 

Облыстық полиция департаменті жол-көлік оқиғасынан жасырынып, қашып кету фактісі бойынша қылмыстық іс қозғады. 

Жүргізушіні жауапкершілікке тарту үшін жеке басын анықтау бойынша жедел іздестіру іс-шаралары жүргізілуде.