Облыс әкімінің орынбасары Айгерім Қабылтаева instagram әлеуметтік желісінде ауыл шаруашылығының дамуы туралы ақпаратпен бөлісті, деп хабарлайды  @Pavlodarnews.kz тілшісі.

2024 жылы агроөнеркәсіп кешенін дамыту бағытында жалпы сомасы 15 миллиард теңге болатын 20 табысты жоба іске асырылды.

Оның ішінде 1 836 басқа арналған сүтті-тауарлы фермалар бар:  1 194 басқа арналған «Кронос-Павлодар» ЖШС, 200 басқа кеңейтілген «Агро Даму» ЖШС,  432 басқа арналған «Agro Trade PV» ЖШС. 

Сондай-ақ «Turkey PVL» ЖШС күркетауық өсіру бойынша құс фабрикасын кеңейтудің нәтижесінде жылына сегіз мың тонна ет өндіріледі.  

Дәнді-дақылдар мен көкөніс сақтау қоймаларының қуаттылығы 53,8 мың тоннаны құрайды. 

2027 жылға дейін 75,2 миллиард теңге сомасына 57 жоба жүзеге асырылып, 1 350 жұмыс орны ашылады.