Өңірде киелі жануарды қорғау мақсатында бір айлық рейд басталды, деп хабарлайды @Pavlodarnews.kz тілшісі.

Облыстық полиция департаментінің баспасөз қызметінің мәлімдеуінше, табиғатты қорғау заңнамасының бұзылуына және ақбөкендерге браконьерлік фактілеріне жол бермеу мақсатында 15 сәуір мен 15 мамыры аралығында облыс аумағында «Ақбөкен» кең ауқымды акциясы өткізілуде.  

- Акция барысында бір ай бойы ақбөкендерді заңсыз аулау, сондай-ақ олардың мүйіздерінің айналымы фактілерін анықтау және жолын кесу бойынша рейдтік іс-шаралар жүргізілетін болады, - делінген хабарламада.

Айта кетелік, жыл басынан бері полицейлер табиғатты қорғау заңнамасын бұзудың 204 фактісін анықтады.