Ауа райының күрт нашарлауына байланысты жолаушылар автобустары мен дизельді көліктерге уақытша шектеу енгізіледі, деп хабарлайды @Pavlodarnews.kz тілшісі.

«ҚазАвтоЖол» ҰҚ» АҚ баспасөз қызметінің мәліметінше, 25 ақпан сағат 23:00-ден бастап өңірдегі республикалық маңызы бар бірқатар автожол учаскелерінде жолаушылар рейстік автобустары мен дизельді қозғалтқышы бар автокөліктер үшін қозғалысқа шектеу қойылады.

Атап айтқанда, «Қызылорда – Жезқазған – Қарағанды – Шідерті» автожолының 1206–1135 шақырымы (Шідерті кенті – Қарағанды облысының шекарасы), «Қалқаман – Баянауыл – Үміткер – Ботақара» жолының 0–231 шақырымы (Қалқаман кенті – Қарағанды облысының шекарасы) және «Атамекен – Ертіс – РФ шекарасы» жолының 0–263 шақырымы (Атамекен кенті – Ресей Федерациясының шекарасы) қамтылады.

Сондай-ақ «ҚХР шекарасы – Майқапшағай – Зайсан – Қалбатау – Семей – Павлодар – РФ шекарасы» автожолының 191–390 және 426–587 шақырым аралығы, «Астана – Шідерті – Павлодар – Успенка – РФ шекарасы» жолының 0–152 және 200–431 шақырым учаскелері, «Павлодар – Щербақты – РФ шекарасы» (0–112 км) және «Атамекен – Ақсу – Көктөбе – Курчатов» (25–220 км) бағыттары бойынша қозғалыс шектеледі.