Павлодар облысында дауылды ескерту жарияланды
Облыстың кей жерлерінде боран соғады, деп хабарлайды @Pavlodarnews.kz.
Қазгидрометтің хабарлауынша, 20 желтоқсанда Қазақстанда ауа райы тұрақсыз болады - жауын-шашын, тұман, көктайғақ және боран күтіледі.
Павлодар облысында кешке дейін дауылды ескерту жарияланды. Аймақтың оңтүстігінде, батысында және шығысында боран соғып, желдің екпіні секундына 15-20 метрге дейін жетеді.
Күндіз ауа температурасы -2...-7 градусқа дейін төмендейді.
Павлодарда бұлтты болады. Сынап бағанасы -3-тен -5 градусқа дейін көрсетеді.
