Ауа райының қолайсыздығына байланысты сабақтар қашықтықтан ұйымдастырылады, деп хабарлайды @Pavlodarnews.kz тілшісі.

Облыстық білім беру басқармасының мәліметінше, 14 ақпан күні Павлодар қаласы бойынша ауа райының қолайсыздығына байланысты (боран, желдің күші секундына 15-20 метрді құрайды) екінші ауысымның 0-4-сынып оқушылары қашықтықтан оқыту форматына ауыстырылады.

Сондай-ақ Ақсу қаласы бойынша ауа райының қолайсыздығына байланысты (бұрқасын) екінші ауысымның 0-9-сынып оқушылары қашықтықтан оқитын болды. Мектепке тасымал тоқтатылады.

Екібастұзда желдің жылдамдығы секундына 25 метрді құрайды. Екінші ауысымдағы 0-11-сыныптардың оқушылары да үйден оқиды.