Павлодар облысында инфекциялық аурулардың төмендеуі байқалды
Өткен жылы 2024 жылмен салыстырғанда скарлатина ауруы 44,4 пайызға, сальмонеллез – 23 пайызға, шешек – 9,5 пайызға азайды, деп хабарлайды @Pavlodarnews.kz тілшісі.
Бұл туралы Павлодар облысы санитарлық-эпидемиологиялық бақылау департаментінің басшысы Батырбек Әлиев мәлімдеді.
Қызылшаға шалдыққандар саны 11 есе, COVID-19 коронавирус инфекциясы – 10 есе, көкжөтел – 2 есе азайды.
Өткен жылы 150 қызылша жағдайы тіркелді, оның ішінде 132-сі – 14 жасқа дейінгі балалар. Салыстыру үшін: 2024 жылы өңірде 1626 адам қызылшамен ауырған.
Биылғы жылдың басынан бері 35 адам қызылша жұқтырды.
Барлық қызылша жағдайлары жоспарлы екпелердің болмауы мен балалардың жартысынан астамы ата-аналарының бас тартуына байланысты болып шықты.
– Мұндай инфекциялардың тіркелуіне халықты вакцинациялау тікелей әсер етеді, – дейді облыстың бас санитарлық дәрігері. – Бұл тек жеке қорғаныс емес, бұл ұжымдық иммунитетке қосқан үлес. Өткен жылы біздің облыс профилактикалық екпелермен қамту бойынша оңтайлы көрсеткішке жете алмады: ұсынылған 95 пайыздың орнына қамту 91,2 пайызды құрады.
Дүниежүзілік денсаулық сақтау ұйымының ұсынымына сәйкес, эпидемия алдындағы маусымда ұжымдық иммунитет қалыптастыру үшін халықтың кемінде 10 пайызын вакцинациялау қажет. Өңірде 82 116 адам егілді, бұл – жалпы халық санының 10,75 пайызына тең.
