Павлодар облысында Ресейде табылған соғыс ардагерінің туыстары іздестіріледі
Нұрахмет Хасенов 1908 жылы Қызылорда облысының Арал ауданы, Құланды ауылында дүниеге келген, деп хабарлайды @Pavlodarnews.kz тілшісі.
Майданға Омбы облысының Марьяновск ауданы Марьяновск әскери комиссариатынан шақыртылған. 1942 жылы белгісіз жағдайда жоғалып кеткен.
Волгоград қаласында іздеу жұмыстарын жүргізген «Каскад» іздеу отряды 2025 жылдың 15 наурызында жауынгердің сүйек қалдықтарын тауып, солдат медальоні Мәскеу қаласына зертханаға сараптамаға жіберілген. Сарапшы – Олег Гусев. Жеке заттарынан шыны колба, сөмке табылған.
Жұмыстар Суровикин ауданының аумағында жүргізілді, болжам бойынша 1942 жылдың шілде-тамыз айларында табылған.
– Туыстарының Омбы облысынан Павлодар қаласына көшкені туралы ақпарат бар, жиені Сабржан Хасенованы іздейміз. Сондай-ақ, Қызылорда облысының Арал ауданында сарбаздың туған жері бойынша туыстарын іздестіруді пысықтау қажет. Барлық бейжай қарамайтын адамдардан марқұмның отбасын іздеуге атсалысуды сұраймыз. Ұлы Отан соғысындағы Жеңістің 80 жылдығында туыстарын тауып, аталарының майданның соңына дейін соғысқанын білсе дейміз, – дейді «Майдан жолы» Павлодар іздестіру-зерттеу отрядында.
Қазақстан Республикасы аумағында тұратын туыстарымен барлық мәселелер бойынша байланыс орнату үшін 8(777)-461-73-78 байланыс нөмірі арқылы хабарласуға болады.
:max_bytes(150000):strip_icc():focal(679x338:681x340)/dolph-lundgren-rockyIV-072922-1-acdd0970ed784184a6be5b9643f4a016.jpg)
