Тұтынушыларға су тарату желілері арқылы су беру қызметінің жаңа тарифі қаралатын болады, деп хабарлайды @Pavlodarnews.kz тілшісі. 

2025 жылдың 7 тамызында Павлодар облысы, Павлодар ауылында «Ertis SU PVL» МКМ-ның су беру қызметі бойынша тариф жобасын талқылауға арналған жария тыңдау өтеді. Іс-шараны Қазақстан Республикасы Ұлттық экономика министрлігі Табиғи монополияларды реттеу комитетінің Павлодар облысы бойынша департаменті ұйымдастырады.

Жария тыңдау сағат 11:00-де, Павлодар облысы, Павлодар ауылындағы Мәңгілік Ел көшесі, 4 әкімдік ғимаратында өтеді. 

Тыңдау барысында тұтынушыларға су тарату желілері арқылы су беру қызметінің жаңа тарифі қаралатын болады, – деді шара ұйымдастырушылары. – Жария тыңдауға Қазақстан Республикасы Парламенті мен мәслихат депутаттары, жергілікті атқарушы органдар мен мемлекеттік мекемелердің өкілдері, қоғамдық бірлестіктер, БАҚ өкілдері, тәуелсіз сарапшылар және барлық мүдделі азаматтар шақырылады.

Іс-шара Департаменттің Facebook желісіндегі ресми парақшасында тікелей эфирде көрсетіледі: https://www.facebook.com/profile.php?id=100064953654562. 

Қосымша ақпаратты  8 (7182) 61-59-55  байланыс нөмірі арқылы алуға болады.