Жаттығу өрттерді жою кезіндегі іс-қимылдарға дайындықты тексеруге бағытталған, деп хабарлайды @Pavlodarnews.kz тілшісі.

Облыстық Төтенше жағдайлар департаменті баспасөз қызметінің мәліметінше, «Өрт-2024» республикалық командалық-штабтық оқу-жаттығу 15-16 мамыр аралығында Шарбақты ауданының «Ертіс орманы» РММ аумағында жоспарланған.

– Оқу-жаттығу жоспарына сәйкес басқару органдарын, азаматтық қорғаудың мемлекеттік жүйесінің күштері мен құралдарын табиғи өрттерді жою кезіндегі іс-қимылдарға дайындау мәселелері пысықталатын болады, – дейді баспасөз орталығында.

Қосымша ақпаратты алу үшін облыстық ТЖД баспасөз қызметіне +7(7182)53-96-17, +7(705)208-93-45 телефондарына хабарласуға болады.