Көліктің барлық түрлері үшін қозғалыс жабылды, деп хабарлайды  @Pavlodarnews.kz тілшісі.

Облыстық ТЖД баспасөз қызметінің мәліметінше, сағат 15.20-дан бастап боран мен қатты желдің салдарынан ауа райының нашарлауына байланысты республикалық маңызы бар автожолдың екі учаскесінде қозғалыс жабық: Қалқаман-Баянауыл-Үміткер-Ботақара (0-137 км), Қалқаман кентінен Баянауыл ауылына дейін. 

Атамекен-Ертіс-Русская поляна (0-263,78 км), Атамекен кентінен РФ шекарасына дейін.

Сондай-ақ сағат 15.30-дан бастап облыстық маңызы бар автожолдың төрт учаскесінде көліктің барлық түрі үшін қозғалыс жабылды: Ақтоғай-Шолақсор (0-164 км), Панфилов-Бестөбе (0-75 км), Ертіс-Ертіс станциясы (0-67 км) Ертіс-Пятирыжск (0-6 км).

Еске сала кетейік, сағат 10:30-дан бастап Ақмола облысында ауа райының нашарлауына байланысты Астана-Ерейментау-Шідерті республикалық маңызы бар автожол аумағында (200-254 шақырым) Шідерті кентінің шекарасынан Ақмола облысының шекарасына дейін көліктің барлық түрлері үшін қозғалыс шектелді. 

Сонымен қатар, дәл осы уақытта Қарағанды облысында ауа райының нашарлауына байланысты Қызылорда-Павлодар республикалық маңызы бар автожол учаскесі (1135-1206-шақырым) Шідерті кентінен Қарағанды облысының шекарасына дейінгі жол жабылды.