Павлодар облысында трактор автокөлікпен соқтығысты
Жол-көлік оқиғасы салдарынан бір адам зардап шекті, деп хабарлайды @Pavlodarnews.kz тілшісі.
Облыстық полиция департаменті баспасөз қызметінің мәліметінше, Павлодар - Ақсу автожолының 14 шақырымында МТЗ-82 тракторының жүргізушісі қозғалыс қауіпсіздігіне көз жеткізбей, «Suzuki Grand Vitara» автокөлігімен соқтығысқан.
– Жеңіл көліктің жолаушысы жарақат алып, ауруханаға жатқызылды. Көлік арнайы тұраққа қойылды, – деді департаментте.
Аталған факті бойынша тексеру жүргізіледі.
