Олар екі қалада ұзақ уақыт бойы студенттерге қоқан-лоққы көрсеткен, деп хабарлайды  @Pavlodarnews.kz тілшісі.  

Павлодар облысы полиция департаментінің жедел уәкілдері екі қалада ұзақ уақыт бойы жоғары оқу орындары мен колледж студенттері арасында бопсалаумен айналысқан маргиналды жастар арасынан екі адамды ұстау бойынша сәтті операция жүргізді.

Бұл адамдар жас жігіттерге қатысты физикалық күш қолданып, олардан ақша қаражатын, тауарлық және ақшалай несие беруді талап еткен. Алдын ала мәліметтер бойынша, ұсталғандар бопсалауға байланысты 10-нан астам құқық бұзушылық жасаған. Бұл олардың жүйелі түрде қылмысқа қатысы бар екенін растайды.

ҰҚКБ қызметкерлері бірқатар іс-шара өткізіп, қаскүнемдердің кінәсін дәлелдеуге және оларды ұстауға мүмкіндік беретін дәлелдер жиналды. 

– Полиция өңірдегі студенттер мен жастардың қауіпсіздігін қамтамасыз ету бойынша белсенді жұмыс жүргізуді жалғастыруда. Бұл операция қылмысқа қарсы күресте және азаматтардың құқықтарын қорғауда біздің ұстанымымыздың жарқын мысалы болып табылады,  – деп атап өтті Павлодар облысы полиция департаменті ұйымдасқан қылмысқа қарсы күрес басқармасының бастығы Ғабит Қабдрахманов.

Полиция департаменті азаматтарды сақ болуға, бопсалау және басқа да құқық бұзушылықтар туралы хабарлауға шақырады.

Посмотреть эту публикацию в Instagram

Публикация от Организация (@dp_pavlodar)