Жол-көлік оқиғасы  Павлодар - Қызылорда автожолында орын алды, деп хабарлайды  Рavlodarnews.kz.

Облыстық полиция департаменті баспасөз қызметінің мәліметінше, сағат 21.00-де Шідерті кентіне қарама-қарсы 47 км жерде, DAF FTXF-105 маркалы автокөлігінің 55 жастағы жүргізушісі ілеспе бағыттағы Рno-143 ifri маркалы автокөліктің тіркемесімен соқтығысқан.

– DAF FTXF-105 көлігі жол жүру қауіпсіздігін қамтамасыз етпей, алда келе жатқан көлік құралына дейінгі қашықтықты сақтамаған. Салдарынан  жүргізушісі жарақат алып, ауруханаға жатқызылды, – деді департаментте.

Тіркемеде болған 45 бас жылқының алтауы өліп қалды. Аталған факті бойынша тексеру жүргізілуде.