Ұлттық статистика департаменті есептерді қорытындылады, деп хабарлайды @Pavlodarnews.kz тілшісі.

Павлодар облысы статистика департаменті орынбасары Жанар Мағзамованың мәлімдеуінше, биыл облыста бір адамға шаққандағы күнкөрістің ең төменгі деңгейі 51 776 теңгені құрады. Бұл 54 358 теңгені құрайтын республикалық көрсеткіштен көп айырмашылығы жоқ. Павлодарлықтардың орташа жалақысы 399 489 теңгені құраса, республика бойынша бұл көрсеткіш 423 133 теңгеге жеткен. 

Биылғы жылдың бірінші тоқсанында облыс халқының орташа жан басына шаққандағы атаулы ақшалай табысы 243 893 теңгені құрады, бұл өткен жылмен салыстырғанда жоғары.

Облыс кәсіпорындарында кәсіпкерлікпен айналысатын шағын кәсіпорындардың қызметкерлерін есепке алмағанда, ағымдағы жылдың алғашқы үш айында 194 мыңнан астам жалданған жұмысшылар есептелді.

Жанар Мағзамованың айтуынша, салалық құрылымда ең жоғары жалақыны тау-кен өнеркәсібі мен карьерлерді қазу саласындағы жұмысшылар алады – айына 697 833 теңге. Ал ең төменгі жалақы өнер, ойын-сауық және демалыс саласында – 201 968 теңге.

– Облыс жағдайында ең жоғары жалақы Екібастұз қаласында байқалады – 499 955 теңге. Ең аз табыс алатын Павлодар қаласының тұрғындары – 245 638 теңге, – деп қосты статист.

Сондай-ақ өткен жылмен салыстырғанда бизнесмендердің қатары бір пайызға артқан. Бүгінде мұнда 56 мыңнан астам адам бар. Ал облыстағы жұмыссыздық 4,8 пайызды құрап отыр. 

Еске салайық, Павлодар облысында 15 мың адам жұмысқа орналасса, оның тоғыз мыңы тұрақты жұмыспен қамтылды. Осылайша тұрғындарды жұмыспен қамту жоспары қазірдің өзінде алпыс пайызға орындалды.