Жоғалған адамның орналасқан жерін анықтау бойынша іс-шаралар жалғасуда, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, тәртіп сақшылары мен еріктілер, белсенді азаматтар Май ауданы Малайсары ауылының хабар-ошарсыз кеткен 44 жастағы тұрғыны Жанар Солтанды іздестіруде.

–  Әйел адам 7 сәуірде қызы бір күн бұрын үйден кетіп, оралмағаны туралы хабарлаған. Бұрын қызы үйден кетіп көрмеген. Жедел уәкілдер дереу барлық аумақтық полиция бөлімшелеріне және жақын маңдағы аймақтарға бағдар берген. Жақын маңдағы ауылдарды, шалғындарды, жайылымдарды және шалғынды жерлерді, Ертіс өзенінің жайылмасын іздеу жүргізілуде. Туыстары, көршілері, таныстары, вокзалдар мен автожолдар пысықталуда, – деп хабарлады департаментте.

Белгілері: бойы – шамамен 165-170 см, дене бітімі арық, шашы сирек, сөйлеу кемістігіне байланысты екінші топтағы мүгедектігі бар. 

Қара түсті куртка, тізеге дейін қызыл түсті юбка, көк түсті қалпақ, көк түсті калош киген. 

Полиция әйелдің орналасқан жері туралы ақпарат туралы 102 немесе 8 (718-2) 39-12-32 нөміріне қоңырау шалып хабарласуды сұрайды. Анонимділікке кепілдік беріледі.