Олар әкімшілік кедергілерді анықтады, деп хабарлайды @Pavlodarnews.kz тілшісі.

Бұл энергияны көп қажет ететін өндірістерді іске қосуға кедергі келтірді. Электроэнергиясының жоғары өзіндік құны мұндай жобаларды жүзеге асыруды мүмкін емес етіп, инвестиция тарту қаупін туғызды.

– Жобаларды жүзеге асыру бұрынғы электр энергиясы нарығының моделіне сәйкес басталды, онда қолжетімді баға инвесторларды тартудағы негізгі артықшылықтардың бірі болды. «Электроэнергетика туралы» заңға енгізілген өзгерістерден кейін Екібастұз 1-МАЭС бұрын жасалған 7,25 теңге тарифімен электр энергиясын жеткізу келісімдерін бұзды. Баға 2,5 есе өсті, – деді облыстық прокуратураның баспасөз қызметі.

Облыс прокуратурасының бастамасымен Энергетика министрлігі ірі инвестициялық жобалар үшін электр энергиясына инвестициялық тариф енгізу туралы заң жобасын әзірледі. Бүгінгі күні заң жобасы Мәжіліс пленарлық отырысында мақұлданды және жақын арада Сенатқа бекіту үшін жіберілетін болады.

Бұл заңның қабылдануы инвесторлар үшін электр энергиясына жұмсалатын шығындарды азайтып, ірі өндірістік жобалардың экономикалық тиімділігін арттыра отырып, қолайлы жағдайлар жасауға мүмкіндік береді.