Үздік ойыншылар әлем чемпионатына жолдама алды, деп хабарлайды @Pavlodarnews.kz тілшісі.

Облыстық тоғызқұмалақ федерациясының мәліметінше, Орал қаласында жастар мен жасөспірімдер арасында Қазақстан Республикасының чемпионаты өз мәресіне жетті. Байрақты бәсекеде 16 облыс пен 3 қаладан келген 400-ге жуық спортшы бақ сынады.

Жарыс қорытындысы бойынша Павлодар облысының спортшылары 7 алтын, 6 күміс, 10 қола медаль жеңіп алып, жалпыкомандалық есепте үздік нәтиже көрсетті.

Турнирде ерекше көзге түскен ойыншылар әлем чемпионатына жолдама алды. Олар:

• Классика – Жәмиля Баилдяшева, Елдана Оралбай, Азамат Халел, Тамерлан Сапар, Аяжан Егінбай;
• Рапид – Әмір Наурызғали, Азамат Халел;
• Блиц – Сұлтан Смағұлов, Аружан Азат, Аяжан Егінбай.

Сонымен қатар, 19 жасқа дейінгі қыздар арасында өнер көрсеткен Аружан Салмен Азия чемпионатына жолдама алды. Ал Сұлтан Смағұлов спорт шебері нормативін орындап, жоғары нәтижеге қол жеткізді.