Оның жүргізуші куәлігі де болмаған, деп хабарлайды @Pavlodarnews.kz.

Полиция қызметкерлері «Атамекен – Русская Поляна» автожолында патрульдеу барысында КамАЗ көлігінің жүргізушісін тоқтатты. 

– Мас күйінде көлік жүргізген азамат рөлге ие бола алмай, жолдың жиегіне аударылып қалған. Сонымен қатар, тексеру барысында былтыр ауыл тұрғыны көлік жүргізу құқығынан 7 жылға айырылғаны анықталды. Қазіргі уақытта тексеру жүргізіліп жатыр, ал көлік арнайы тұраққа қойылды, – деді Ертіс  ауданы полиция бөлімі бастығының  уақытша м.а. Төлеген Алпысбаев.

Полиция қызметкерлері жол қозғалысы ережелерін қатаң сақтап, жолда барынша мұқият болуға шақырады.